وحتى لا ننسى  أكتوبر المجيد

b]وحتى لا ننسى  أكتوبر المجيد[/b]
يوم  سته في شهر اكتوبر
                             من عـام تــــلاته وسبعيـــن
حققنــا النـــصر بعــــــزه
                             وماعدش " يونيو "حزين
التار خدنـاه بإيـــــــدينـــا
                             بشجاعة ونصــــر مبــــين
بإرادة الشعــب الصامـــد
                             ورجال جيشنا الصاحــيين  
                         ***
" بارليف " كان ساترعــالي
                             بيزيــد إحساس القهـــــر
وقناتــي قصـــادي بتغلـــــي
                             صهيون ساكــــن ع البـر
وجنــوده بتلعب كــــــــوره
                             والبعض يعـوم في البحر
أوغـــاد بتعانـــــــد فـيـنــِّــا
                             م الصـبح لبعـد العصـــر
                                     ***

بغلاسة ينــــــادوا علينـــِّـا
                             قابلـــــونـا يا مصــريين
جـــايين في المـرة التانية
                            على  شبرا  ورأس التين
والدم بيغـــــلي في راسي
                            وسلاحي في إيدي حزين
والقلب بحرقه بيشــــكي
                            والنبض ف صدري أنين
                                        ***
يوم سته في شهر اكتــوبر
                             الساعة اتنــــين الضهــر
من غرب لشرق لقينــــــا
                             أسراب طـــيران بتمــــــر
والعلـم المصري عليهـــا
                             و "الميــج" بيصد الغدر
مدافعـــنا تــدك الساتــر
                             بارليف"اخــــدود"العصر
                                   ***
وقوارب شايله جنــودنا
                            بتعــــدَّي تهـــد بنــــــــــاه
ومــدافع ميـــه بتهــــدم
                            والقـــــــــــــدرة إراده الله
وف ست ساعات مش غيرهم
                                       الخط الســــاحـر تـــــــــاه  
وجنود صهـيون مدبوحة
                                        وعلمنـــا فــــوق محــلاه
                     للنصر حـــلاوة ومتعـــــه
                                       نترحَّـــم ع الشهـــــــداء
                     نقرى في دعانا الفاتحـــه
                                        مهما تكون الأســـــــماء
                     جرجس أو فادي وعـــبده
                                       الكـــل في جيشنا ســواء  
                     مصر المحروسة بلــــدنـا